Inner Challenge
最近與幾位團契好友，報名參加由「突破」主辦，於十一月中舉行o既慈善野外歷奇活動。該活動將歷時十六小時，活動包括行山、踏單車、攀山澗等活動。話明係慈善活動，我哋果team要籌集至少8000大元，才能參與活動，所以如果各位見到小弟前來募捐，還請大家慷慨解囊，小小無區，多多益善！
講返個活動，我之前冇參加過同類活動，所以都有d緊張。再加上，最近聽到不少行山人士遇險o既報導，不免都有d擔心！
另外，按我現在o既體能狀況，似乎需要有計畫地進行操練，才能應付哩個考驗。
初步操練計畫如下：
- 放工由地盤行返屋企。歷時約45分鐘，不過唔係每日都可以，因為若放工後有約或要上課，又或天氣關係等，都不適宜；
- 行地盤。睇工程進度，宜家座樓起到十幾樓，又未有lift搭，由地下行上天面，都幾花氣力！不過可能唔算持續運動，因為行陣睇陣；
- 行路返教會。歷時約20分鐘，都ok o既，不過崇拜時坐係我附近果d弟兄姊妹就要多少少忍耐！
各位如果仲有咩「平、靚、正」o既操練計畫建議，請「慷慨」提出！
posted by 西門子 @ Wednesday, October 05, 2005
<< Home