開學大吉
今晚去咗學院o既開學禮，亦都標誌著係神學院第二年o既學習正式開始！今個學期我都會幾充實(希望唔會最後變咗「充塞」)，因為會一個星期take兩個course，分別係當代宣教使命(一聽個名咁grand就知佢係硬嘢，希望唔會俾個名嚇窒！)，另一科係以西結書今讀(希望係「今天」個「今」，唔係「甘苦」個「甘」！)！
係開學禮到，我遇到其中一位係教會德高望重又深得我尊敬o既長執，佢今年正式入學，作全時間裝備。回家時，佢與我同路，並不斷提醒我係神學院學習(特別係聖經科)，要打醒十二分精神。佢所講o既唔係叫我上堂時唔可以「釣魚」，而係要抱著批判o既精神，唔好將講師所教授o既東西，百分百照單全收，因為佢觀察到，某些學者，將神學研究同信仰分割開，如果學員信仰根基不穩，則會有很大的沖擊！
Well!既然佢咁講，我就小心d啦！我都認同去神學院讀書，係為咗更認識神，同可以對神更委身，但如果越研究神學，越遠離神，似乎有d本末倒置！
posted by 西門子 @ Monday, September 12, 2005
<< Home