No, thanks! I'm Full!
我好似兩個星期冇update過個blog，難怪「收視率」有下滑o既趨勢！對上一篇係寫開學禮，哩個亦反影咗自開學後，我o既生活又開始「充實」！咁係咪讀書做功課攪成我咁？非完全也！
上課固然佔用咗我兩晚o既時間，不過其他日子都填滿咗，唔係約咗人，就係要攪教會嘢！好多時返到屋企，已經唔想諗嘢，通想會仿傚原始人o既方法(註1)，對住部電視或者電腦或者遊戲機！
(註1：我睇過一本書解釋男性一些行為，提到男士通常在疲憊o既狀況下，會唔想講嘢，淨係望住報紙、電視…佢哋個心未必放係所觀看o既內容裏面，只係唔想諗嘢，情況就好似原始人打完獵後，返到自己o既洞穴，坐係個火堆邊，咩都唔做，淨係望住堆火一樣！)
我諗我都要學下"say no"，留番d空間俾自己諗下嘢、寫下嘢，亦借此挽救一下個「收視率」！
posted by 西門子 @ Tuesday, September 27, 2005
<< Home