哈利波特與西門小子
過去果一個月，我廢寢忘餐咁狂追哈利波特第五第六集，排隊會讀、搭巴士會讀、中午小休會讀、瞓覺前都會讀…終於琴晚睇埋最尾果頁！感覺好滿足— 一方面睇完兩本夾埋千幾頁o既書，我估除咗讀聖經之外，平時都好少讀咁多(考試果陣都未必會！)；另一方面，Rowling 真係好識講故仔，好引人入勝，由第一集到宜家第六集，故事係好有層次咁演繹出來，好多時要睇到最後果幾章，你先會驚覺：「呀！原來係咁！」而且每個角色都好「人性」，當自己一路讀o既時候，都會覺得似曾相識，我哋就係咁o既反應，我哋班青少年朋友都好似佢哋咁！
密切期待哈利波特7大結局，唔知個名會唔會就係「哈利波特與西門小子」！？
posted by 西門子 @ Wednesday, August 17, 2005
<< Home