工作是為了…放假？
「做…做…無停手，只有食飯o既時候…透一透…透一透…」踏入十一月下旬，開始咗晚間課程趕功課o既日子，我數數手指，計埋其他工作，由現在開始直到聖誕節前，我有十個項目要完成！雖然與團友仔要面對公開考試相比，我d壓力算係好輕鬆，不過都唔係冇！o黎緊個週會講Efficiency！就同大家一齊溫故知新，齊齊提升效能！
踏入十二月，西門太亦開始放長假，休息、休息。佢o既生活其實都好充實，家務一大堆，夠佢忙半Day，而我又多咗「住家飯」食，yummy！不過係趕功課o既日子，我都少咗陪佢，惟有係中間o既日子，抽一天、半天，同佢拍下拖！(西門太大人，我知道你已經對我好忍讓！我會報答你o架！你要等我呀！)
年近聖誕，又係與親朋好友、共聚天倫o既好日子！我都唔例外！我有班老死已計劃回港渡假，其中一個仲會帶埋(其實唔應該用「帶」，因為佢哋自己曉走！)d素未謀面o既blog友回來tim！唔知有冇幾會同佢哋講聲：「從前風聞有你，現在親眼看見你。」
另外，聖誕節後，我、西門太、西門爸&西門媽會去旅行，地點係宜家仲三十幾度o既海南島—被寒！
總之，十二月就節目豐富啦，Work Hard & Play Hard！好！一於o黎個「先苦後甜」啦！
posted by 西門子 @ Friday, December 09, 2005
<< Home