費城與賓夕凡尼亞
今晚上主日學o既補課，講教會歷史，提到費城同賓夕凡尼亞，立刻想起一班身在悶城o既blog友(佢哋好似幫「費城」改咗名叫「悶城」，我希望冇誤會佢哋意思)，唔知佢哋知唔知哩兩個名o既出處？*****************************************貴格會(Quakers)的創始人叫霍斯 (George Fox)，本是英國一條小村落的鞋匠，後來開始了四處尋道的旅程，但最後他卻認為所有英國的教會都走歪了路，都不能討神的喜悅．例如人都喜歡把教堂叫作教會，但教會是神的身體，並不是人手所做的殿．他也不贊成牧者收工價，因只有祭司和遊行佈道的人才收工價．詩歌、聖禮、講道、信經等全都是人的發明，只會阻礙聖靈自由地作工，不過，在這些教導之上，他最著重的是人心裡的光．世人都是藉這光得以認識神，所以信徒應該跟隨心裡的光的引導，才能找到上帝．
跟隨霍斯的信徒也和他一樣常常受迫害，在 1664 年英皇頒令禁止未經批准的教會聚會，許多教會都轉入地下，舉行祕密聚會，但貴格會的信徒認為這樣不誠實，所以寧願公開違背皇帝的命令，結果數以千計的信徒被捕，到 1689 年禁令取消時，也有幾百個信徒死在獄中．
在霍斯的門徒中，最為人所知的就是賓威廉 (William Penn)．他出身望族，後來卻因加入貴格會而被父親逐出家門，更曾被政府囚於倫敦塔．據說當時他託人傳話給英皇，說若用牢獄之苦來逼他改變信仰，實在是最不管用的方法，因為不論誰更有道理，但用武力來逼人認同信仰就是錯誤的行為．最後，因著他父親和一些有名望的朋友相助，他终於恢復自由．
賓威廉主張宗教上的包容，在英國並不受人歡迎，有人甚至認為他其實是耶穌會的人，意圖復辟天主教．那時他開始有一個意念，要在美洲新大陸做一個神聖的試驗．因為英皇欠了他一筆鉅款未能償還，所以將北美一大片土地送贈給他，於是他嘗試在那地方建立一個新的殖民地，容納不同信仰的人一起居住，讓大家都享有宗教上的自由．當其他自命正統的州郡大力迫害貴格會信徒時，賓威廉為他們提供了容身之處，這對一個專制的年代來說，是很難接受，但更甚的是賓威廉還付款給印第安人來買他們的土地，因為他相信土地真正的主人不是英皇，而是這些原居民．他希望與他們建立和睦的關係，以至新來的殖民不用時刻拿著刀槍來保護自己．至於這地方的首府，它將要被稱為「弟兄相愛之城」，即今日的
費城 (Philadelphia)，那片土地後來為記念賓威廉，起名叫
「賓夕凡尼亞」(Pennsylvania)．
**********************************
(摘錄當奴o既主日學notes，特此鳴謝！)
|
No, thanks! I'm Full!
我好似兩個星期冇update過個blog，難怪「收視率」有下滑o既趨勢！對上一篇係寫開學禮，哩個亦反影咗自開學後，我o既生活又開始「充實」！咁係咪讀書做功課攪成我咁？非完全也！上課固然佔用咗我兩晚o既時間，不過其他日子都填滿咗，唔係約咗人，就係要攪教會嘢！好多時返到屋企，已經唔想諗嘢，通想會仿傚原始人o既方法(註1)，對住部電視或者電腦或者遊戲機！(註1：我睇過一本書解釋男性一些行為，提到男士通常在疲憊o既狀況下，會唔想講嘢，淨係望住報紙、電視…佢哋個心未必放係所觀看o既內容裏面，只係唔想諗嘢，情況就好似原始人打完獵後，返到自己o既洞穴，坐係個火堆邊，咩都唔做，淨係望住堆火一樣！)我諗我都要學下"say no"，留番d空間俾自己諗下嘢、寫下嘢，亦借此挽救一下個「收視率」！
|
開學大吉
今晚去咗學院o既開學禮，亦都標誌著係神學院第二年o既學習正式開始！今個學期我都會幾充實(希望唔會最後變咗「充塞」)，因為會一個星期take兩個course，分別係當代宣教使命(一聽個名咁grand就知佢係硬嘢，希望唔會俾個名嚇窒！)，另一科係以西結書今讀(希望係「今天」個「今」，唔係「甘苦」個「甘」！)！係開學禮到，我遇到其中一位係教會德高望重又深得我尊敬o既長執，佢今年正式入學，作全時間裝備。回家時，佢與我同路，並不斷提醒我係神學院學習(特別係聖經科)，要打醒十二分精神。佢所講o既唔係叫我上堂時唔可以「釣魚」，而係要抱著批判o既精神，唔好將講師所教授o既東西，百分百照單全收，因為佢觀察到，某些學者，將神學研究同信仰分割開，如果學員信仰根基不穩，則會有很大的沖擊！Well!既然佢咁講，我就小心d啦！我都認同去神學院讀書，係為咗更認識神，同可以對神更委身，但如果越研究神學，越遠離神，似乎有d本末倒置！
|
米奇白老鼠
雖然香港迪士尼樂園要到下星期一先正式開放，不過託家妹之福，我同西門太可以率先進場，又承蒙迪士尼之「邀請」，我倆有幸成為樂園總彩排日o既嘉賓—米奇白老鼠。
早上我倆在麥記作進場前o既最後準備—食早餐，我對坐在身旁o既西門太說：「我實在告訴你，今日你要同我在樂園裡了。」
去到樂園，看見人山人海，我倆當然唔係唯一o既白老鼠啦，突然心裡有種係維園行花市o既感覺！樂園現時分咗四個區域，分別為：美國小鎮大街、探險世界、幻想世界、明日世界。地方雖然唔算好大，不過我哋最後都未行晒所有地方 ，原因可能係好多地方都要排長龍，又或者我哋自己未係好好咁善用時間。 
令我較難忘o既相信係樂園內各項o既表演(Golden Mickey 一定要睇)、花車巡遊、同埋晚上o既煙花匯演。至於場館內o既機動遊戲就…------------------------------------
離開時，我接受特派記者西門太o既訪問—
西門太：經過今次o既遊覽後，你仲會唔會再o黎？
西門子：我估我短期內，都唔會花錢再來，我估起碼等佢再擴建多幾期先啦
！
西門太：咁如果有d同你年紀相約o既朋友，你會介紹佢哋嚟嗎？
西門子：我估我會介紹佢哋去海洋公園，因為有多d刺激好玩o既機動遊戲！
西門太：咁如果係d同大過你o既長者呢？
西門子：咁我會介紹佢哋去香港公園，有動物睇，又有雀仔睇，環境又清靜！
西門太：哦…咁…咁如果係d小朋友呢？
西門子：帶佢哋去冒險樂園，可能仲開心！…你問咗我咁耐，都係時候輪到我問。如果宜家只係俾你去一處地方，你會揀邊到？
西門太：唔…我想搵處地方，可以舒舒服服咁食餐飯、鋸下扒咁啦！
西門子：哦！你即係話想去燒烤樂園！
(以上嘉賓意見，不完全代表本台立場！)
|
真真假假
前排去旅行時，我提過睇完Dan Brown o既《Da Vinci Code》(達文西密碼)，覺得好精彩，真係十足十返返去舊時睇衛斯理咁！不過精彩歸精彩，始終哩本書都係放係圖書館o既科幻小說類別中，如果當佢所講o既嘢係歷史文獻、宗教權威的話，就真係大有問題。最近我讀埋一本叫《達文西密碼真相》o既書，佢係回應《達》書中所提出的論點。我發覺原來Dan Brown所列舉的「史實」和「證據」，好多都係有問題，一d就引用錯誤，一d就以片蓋全，甚至一d作者所引用的「證據」，當時人已澄清自己在捏造故事…想起今早崇拜時的講道經文：
「我所禱告的，就是要你們的愛心在知識和各樣見識上多而又多，使你們能分別是非（或作：喜愛那美好的事），作誠實無過的人，直到基督的日子；並靠著耶穌基督結滿了仁義的果子，叫榮耀稱讚歸與神。」(腓1:9-11)
求主幫助，讓我在這彎曲悖謬的世代中，能分別是非！
|
如何經歷神的同在？(探索篇)
哩篇唔係書籍分享，而係我最近探討o既問題。話說之前約咗牧師傾偈，分享下大家近況，我就講最近靈修好乏味，好似同上帝關係麻麻，就係咁我哋開始咗「如何經歷神的同在」o既討論…以下係一些討論o既整理，記住未係結論，只係幫自己好好咁繼續思考：- 靈修係一種讓上帝「觸摸」我o既方法，係其中一種，但唔係唯一一種；
- 唔係我哋搵神，而係神搵我哋；
- 人往往尋求一種自己熟識o既模式去搵上帝，不過，上帝有時卻希望讓人突破自己o既comfort zone，使人有成長；
- 我容易不自覺地只從聖經中搵上帝，但忽略咗上帝係可以用任何方法、任何環境…，對我說話，我可能太著重形式；
- 與上帝相遇，不能單靠理性，感性o既經歷亦係唔少得；
- 雖然並不是每次用心「靈修」都必能經歷上帝，但「一分耕耘，一分收穫」，唔用心聆聽，隨時錯過同上帝o既約會；
- …
有答案未？梗係未有！如果係咁簡單，就唔會歷世o既基督徒都係到問哩個問題！
繼續探索中…
|
