西遊記之布曼雙城遊—剝皮拆骨篇
返到o黎香港，有人問我：「做咩去咗泰國成個禮拜，你都好似冇咩晒黑到？係咪用咗甚麼SK-IV美白精華霜，定係FANCAL果d『要白就要激白』o既東西？」我笑著回答：「我哋都冇咩同陽光玩遊戲，大部份活動都係室內進行！」
其中一些室內活動就係泰式按摩同埋SPA！
我哋差不多每日都會安排一次泰式按摩或SPA o既時段，甚至我哋臨走果日，都去咗按摩！
講真，按摩又真係幾舒服，特別係行完街，shop完ping之後，我往往做到一半就已經瞓著咗！而且價錢都算okay (酒店內或名店內做除外)，二百銖按一個鐘，兌返港紙即卅、四十蚊左右！算經濟吧？
不過，按摩哩家嘢都幾講手勢同功力，幫我做果d師傅都幾好，但係我同行果d團友，就話好參差，一d就唔夠力，一d就唔到位！
如果有人問我會唔會按上癮，返到香港都要去按摩呢？應該唔會啩！不過初初返到o黎，我發覺自己肋旁有d隱隱作痛，唔知係咪d師傅內功深厚，不經意地震傷咗我d五臟六腑呢？
posted by 西門子 @ Tuesday, July 26, 2005
<< Home