放榜日
今日係一年一度o既高考(AL)放榜日。每年哩段時候，我都好像多咗份part-time，就係不斷從電話、網上等渠道中，接收應考團友仔的最新消息，今年亦不例外！
昨晚參加咗佢哋放榜前o既祈禱會。千姐和一班弟兄姊妹預備咗一餐豐富o既美食，又邀請咗一班「過來人」，希望無論以有形還是無形的方式來支持我哋o既團友仔。雖然出席o既放榜團友不多，但是你哋係有福(口福同埋心靈上的滿足)o既一群！
考試係咁o架啦！梗係有人得意，有人失意！不過無論點都好，一次半次的成敗得失，絕不能用以評價一生的成就。就算起步慢都唔代表最後o既成績會差過人，況且現在是「跑馬拉松」，所要求的是韌力、毅力！
加油吧！團友們！前面仲有很多精彩嘢等梗大家！
posted by 西門子 @ Friday, July 08, 2005
<< Home