Set up and Mobilization
| 如果有人問我：過去哩個禮拜，你忙緊d咩？
我會回答：Set up and Mobilization! 冇錯啦！望穿秋水、期待已久o既新居終於住得人！ 上個星期六，我地火速將我地d行李從中轉屋搬運到新居，(在此特別鳴謝內子，佢好辛勞地pack野，同埋打點一切，各位如果心水清，可能仲記得上個星期六朝早，我去o左邊！) 新居入伙對我同內子真係幾大意義： 我地結婚後，租屋一段時間，跟住又暫住中轉屋一陣子，個感覺都好似過客寄居咁！想佈置下間屋，掛下d野，但又唔可以隨便釘花幅牆，怕個業主唔鍾意；想添置一d電器家具，又唔想第日搬屋時要搬多樣野！！ 感謝主！終於可以安頓下來！可以做一d「建設」！ 在此我要多謝我父母，他們除了預備這個居所給我地外，在整個入伙過程中給予很多幫助！更加要多謝我老婆，因為佢係mobilization & set up o既主力(各位千萬唔好問我個passport，宜家擺係邊？因為我真係答你唔到，我都要問我太座！) 更加更加要多謝o既係，我天上o既大老闆，佢俾以上所提及o既人，佢又供應我一切所需！多謝晒！ 我同我老婆都有同一個願望，就係願這個住處成為一個祝福o既出口，讓主內o既人可以在此聚會、交通、禱告、彼此支持…，又讓未認識主耶穌o既親朋好友，可以在此感受同享受佢o既愛！願主賜福！阿們！ |
posted by 西門子 @ Saturday, January 29, 2005
<< Home