守規矩
| 今日同班團友仔去保良局d渡假村到day camp! 我發覺佢地真係幾乖！
事件一： 話說我地入camp 時，同大家話自由活動時，咩野都可以玩，除o左水上活動外。當自由活動時，也許佢地玩到無野可玩，又忘記o左先前所定既原則，就去o左排隊玩撐艇仔！當我地周圍行睇下班團友仔玩緊咩既時候，就見到佢地已經排緊隊，仲已經排o左半個鐘！ 其實當時，我都有d為難：一方面定o左規矩，另一方面佢地又興致勃勃，要潑冷水真係唔好做。不過，阿團長好乖呀！佢係我未出聲既時候，已自動自覺咁離開條隊。緊住我同大家講：最好唔玩水上活動啦！其他人都好乖、好聽話咁離開！感謝主呀！佢地咁乖，扺我之後請佢地食野！！ 事件二： 係巴士站排隊等車返屋企時，有幾個團友遲了點來，其實我都準備讓佢地插隊，點知其中一個團友阿莫探員話：唔好啦！已經有其他人係後邊排緊，我地唔好插隊啦！排番隊都好快o者！ 佢地真係乖，可能仲乖過我！哈哈！不過，真係值得讚！！ |
posted by 西門子 @ Saturday, January 22, 2005
<< Home