刮痧
唔知大家試過刮痧未？我今日就試過啦！嘩！原來係勁痛o架！痛到我眼淚水都標埋出o黎！
個師傅話我好忍得痛，其實邊係？只不過，當佢刮緊o既時候，我心裡不斷祈禱，同埋不斷默想詩篇121：我要向高山舉目，我的幫助從何而來？我的幫助是從造天地的耶和華而來！
感謝主呀！
當刮完後，望返兩隻大腿(我的患處)，內出血！「魚」晒！成幅小地圖咁！咁有令我想番起，「受難曲」裡，主耶穌被鞭打o既情景！我d小「魚」都咁痛，更何況主耶穌d大傷呢？
今日我又領會到咩叫「健康就係財富」！咁様醫一醫都幾百蚊！仲要睇多幾次！如果平時愛惜身體，坐得直d...，咁可能已經節省咗！我要立志對自己o既身體更負責任，又要減磅！
睇完醫生，跟住返屋企。途中經過「人和豆品」，想食小小野，當安撫自己剛受完o既苦，叫咗碟炸豆腐！(嘩！勁肥膩！又話要減磅！？…人就係咁衰，果邊立完志，哩邊就忘記！！)
posted by 西門子 @ Tuesday, August 31, 2004
<< Home