創舉
| 完咗團契後，原本跟團友仔去五十嵐火鍋、火鍋，不過，臨時改咗同阿媽慶祝生日。
勁難得！竟然齊人！我o既妹妹們(我有三個妹)平時都好忙碌，要夾時間約到，難度分達3.8(以跳水項目計)，今次竟然齊人！難得、難得！阿媽都係好開心，我o地仲影咗d合家歡tim！ 之後，我作咗個創舉！就係約我d妹妹們唱K！(同d fan 唱k 就試得多，同屋企人就真係第一次，唔知大家係o米同我o既情況一樣？) 講多無為，行動最實際！擇日不如撞日！我o地就o黎個即興！食完飯就去！今次「合家k歌夜」，對我、同對我d妹妹們都有一定o既震驚： 對我—我估唔到佢o地唱得咁好，而且對d流行歌好熟！(有d歌佢o地可以合埋眼唱！)證明佢o地平時唱唔少！ 對我d妹妹們—佢o地估唔到我咁趕上潮流，竟然懂得唱d很新o既歌！(e.g.佢o地對於我識得唱薛凱琪d歌，感到異常驚訝！) 唔o米馬！佢o地竟然以為我係老土怪！勁out！？哈哈！佢o地太小看我啦！ 總結：我o地四兄妹，其實唔係好認識大家，哩個係一個好好o既機會，將我o地o既距離拉近！而事實上，我都覺得我o地o既距離拉近咗！good！繼續努力吧！ |
posted by 西門子 @ Saturday, August 28, 2004
<< Home