受寵若驚
今日去咗搵老細，佢同我「照肺」。佢話我過往一年o既表現，有好大進步，而且還給我很高的評分！
我好多謝佢給予我的評價，又好多謝佢一直對我的指導、提點！
不過我心裡面對自己o既表現係有d懷疑！
「我真係做得咁好咩？」
「我覺得身邊o既同事，比我更專業，做事比我更全面、更細心！」
老細仲話，大老細同大大老細有可能隨時會搵我傾下偈…睇下我係咪真係如report中所評估o既吻合！
「點算？」
「我擔心老細高估咗我！？」
「我擔心當我面聖時，會讓他們感到失望，又讓我老細跌眼鏡！？」
好幾年前，當我完成training，部門準備收納我時，曾發生過類似o既事…
果時係準備見recruitment board前，當時o既大老細睇完我的工作價估後很欣賞，並表示會收納我到他的部門辦事；不過，就係見board時(哩個大老細係board chairman)，我表現得強差人意，真係問邊樣，我就唔識邊樣！結果…唔洗講都估到…佢無收納我到佢部門辦事！！
數年後o既今日，會否重蹈覆徹？…擔心！
posted by 西門子 @ Thursday, April 28, 2005
<< Home