返工定係放假？
今日有位同事返來地盤，請我o地食薑醋，咁美味o既東西，我甘願冒著爆瘡、痱子惡化的危險，都要食！哩位同事，近排做咗爸爸，為咗照顧老婆同剛出世o既B女，所以請咗個多月大假，不過佢耐不耐就返工一日、半日。
我問佢照顧BB辛唔辛苦呀？佢竟然話捧B辛苦過返工，屋企家務要做晒不特止，最慘係無覺好瞓！所以佢返工係工司仲好過放假係屋企！
唔…哩幾日o既所見所聞，都好似同捧仔有關，我冇「發仔瘟」呀，不過唔知「上面個老細」係咪想俾d嘢我睇呢？！
posted by 西門子 @ Monday, March 21, 2005
<< Home