搬家
今日係立法會選舉o既大日子，又係小弟搬屋o既時候。
(西門子，你o地咁快有新屋住啦？)
梗係唔咪？我o地新屋個到，入伙遙遙無期！？住梗個到，又租約期滿！
感謝主耶穌，佢係我o地最需要o既時候，差咗個小天使來幫忙，佢借咗個地方俾我o地暫住(中轉屋)。Thanks!!
講返今日~經我老婆大人點算，我o地有40多箱/袋物資+雪櫃+洗衣機(最重係哩兩件！)其實要搬就真係唔算多，不過最大挑戰就係要搬三層樓梯(1落2上，中轉屋係無lift)！！
感謝主耶穌again！有好多愛錫我o地o既親戚同弟兄走o黎幫手(我阿爸媽、老婆阿媽哥妹、傳文、龍少同志康)，多謝晒你地！有你o地幫手，好快就搬好啦！真係sorry，原本想請大家食晚飯，以酬各位o既辛勞，點知大家o既速度實在太快，5點已經收工，結果淨係請咗大家食tea！不過唔緊要，下次補返！
不過後來有件事，嚇我一跳：我老婆話返我知，原來係搬遷o既過程，我阿爸可能太落力，曾經有段時間要透大氣，又好似暈倒咁…阿爸，你要保重身體，我知你錫我，想出多一分力，但係你知嗎？如果你有咩損傷，我會好心痛！
posted by 西門子 @ Sunday, September 12, 2004
<< Home