追月晚會
今晚係中秋節翌日，有個係教會嘅世侄話要開生日會喎！(講到自己好似好老咁，其實係一對團契夫婦幫佢哋個仔慶祝一歲生日至真！)
哩晚見到d有一段時間無見嘅弟兄姊妹，好開心呀！我哋食飽飽後，就坐後張地席到傾計。近幾年我哋團契有d轉變：有接近一半嘅弟兄姊妹榮昇伉儷(包括小弟在內！)，所以類似咁嘅團契活動，真係買少見少！
我同一位之前係我哋教會做傳道人嘅姊妹(一個我都幾敬重嘅人)，講開我一d未來大計—想讀counselling，(雖然宜家都係得個「想」字)，姊妹問我係咪有呼召？我同佢講我都未清楚，仲係到問梗神！只不過係哩段求問嘅時間中，神好似俾咗少少嘢我睇：e.g. (i)識多咗d都想讀(或已經讀梗)counselling嘅朋友；(ii)多咗人搵我傾計，問意見，有時仲可以係傾談中，為人禱告…
唔知哩！正如係PDL中所說：神創造每一個人，都給予他/她一項特別任務，唔知阿爸父俾咗d咩mission 我呢？
在祂手裏，No Mission is Impossible!!!
|
你欠生命一份神蹟
最近再次讀完一本好書，同大家分享一下！
作者：楊牧谷 著
出版社：更新資源(香港)有限公司
版本：2000年9月第二版
內容撮要：
引言
作者一開始就跟我們宣告：每個人生命中都有一份神蹟，而啟動神蹟的按鈕是只握在自己手裡。啟動神蹟既不神秘，也不深奧難明。只要把自我完全獻於壇前，自此以後，一生不為世用，只為天國擺上。
靜聽心靈聲
作者指出好多人左問右問，就是想尋求自己可以奉獻終生的祭壇，殊不知由始至終，其實聖靈在他內心裡未曾停止過發聲。我們習慣活在鬧市，只習慣市內的煩擾，只聆聽別人的聲音。應付之計是要重執生活的自主權，為自己闢出一段私人時間，一片私人空間，開始過一點點有獨處機會的生活，然後聆聽自己內心發出的聲音—「聖靈的聲音」。
壞鬼神學
作者指出人的本位是好寶貴的，上帝按祂的形象來造我們，這形象並沒有如壞鬼神學說的，因藉人類犯罪而完全失落；剛相反，上帝不僅在人多次犯罪後，仍然強調「人是按神的形象被造」這事實，祂還甘願與人立約，以後又按立約的關係來呼喚人離開罪，與祂合作，共闖新里程，同走天國路。
最後的叮囑
作者為願意啟動自己生命神蹟者，作最後的叮囑：(i)別淺化個人的問題；(ii)預備付代價；(iii)注意心靈給自己糾正的聲音；及(iv)為自己建立做人處事的原則。
我的回應：
這是我第二次閱讀此書。第一次接觸此書的時候，已被它的書名深深吸引著—「你欠生命一份神蹟？！」今次重讀，好像有再被喚醒的感覺！
首先，作者所描述的都市老油條的七宗致命徵候(憂愁、焦慮、失望、憤怒、散漫、無助及方向迷失)，好像道出我的現況一樣！每日漫無目的地過活，好像不斷消耗生命；所作之事，雖非每件事都無永恆價值，但究竟哪些是上帝呼召我去作，又有哪些是為滿足一己之慾？
作者認定神在每個人身上至少預備一項的神蹟，好讓我們發揮璀璨的生命。能否實現這份神蹟，則在乎我們究竟知不知道神的呼召；知道後，又會否付諸實行，一步一步地跨越障礙，實現理想。
哪究竟神對我的個人呼召是甚麼呢？繼續現在的工作，並在崗位上，為神作鹽作光？還是離開現在的崗位，繼續深造，再轉到別的崗位去？老實說：我真的不知道！作者提醒我，聖靈是不斷地向我作出指引，只要我願意安靜地寧聽祂的話！
聖靈呀！求祢不要停止對我說話！我真的願意知道往何處去？當祢向我啟示祢的呼召後，我又求祢賜我足夠的信心與力量去走上。主呀，求祢繼續帶領我，好讓我一切所作的、所行的，都是向著祢要我走的目標進發，以致有一日，別人會因看到在我生命的神蹟，而歸榮耀給祢！
|
標竿人生
(Wow！真係好耐無寫日記！因為實在太忙碌，不論在家、在公司、還是在教會！)
最近開始「的」起心肝，閱讀「標竿人生」(The Purpose-Driven Life) 這本書，我更提早半個鐘起身，提早半個鐘返到公司，然後用「標竿人生」去靈修！good ar！
我開始咗一個禮拜到，希望可以繼續落去啦！又希望可以係往後嘅日子，將一d領受寫係哩到，同大家分享一下！
主呀！求祢讓我發現祢的標竿，好使我不偏左、不偏右地勇往直前！
|
詩篇一一九 (通俗版)
唔知大家讀聖經有咩感受呢？當然神嘅話語係好精煉，特別當我哋面對一D際遇嘅時候，上帝嘅說話好多時候都好「到」！
不過，我自己嘅感覺係：聖經嘅用字好似同我有D距離，少咗份親切感，往往讀經還讀經，生活歸生活！
今個星期二晚上堂嘅時候，老師讀咗D經文俾我哋聽，係詩篇一一九 (係最長嘅詩篇，共有176節！)，但今次好唔同，好有時代感，又好有親切感！我節錄D俾大家讀吓，試吓體會一吓，我建議大家攞住你本聖經左右對照一吓：
9-11節
後生仔，後生女點樣先至能夠行得正、企得正？
就係要聽你支笛囉。
我呢？就跟梗你㗎喇，
求你照住我，等我唔駛走歪咗路。
你講啲嘢，我直情係聽到入心入肺，
唔駛一個唔覺意得罪你。
9-16節
一個年青人點會過純潔無瑕嘅生活呢？
除非佢肯熟讀你嗰本「天書」做人。
我係死心塌地咁跟住你咖喇，
咪畀我睇唔到你豎起嘅路牌。
我已經將你應允過嘅嘢放咗落心靈錢錢罌度，
所以我唔會叫自己周身冇「蚊」。
天上嘅老豆呀！教我用你嘅方法生活得醒啲啦。
我一於將你講啲嘢，當正係自己要講嘅嘢。
我恨不得你話我知點做人，仲好過我周圍去執金we銀。
我囉囉攣咁思想你嘅智慧，又眼定定”kap”住你點樣做。
我鍾意你對我講嘅指示，連一隻字仔都唔敢忘記。
127節
神啊!我喜歡你的說話，就好似喜歡銀紙、靚屋、靚車、名牌衫，新款手機一樣。
157-158節 （特別為一位由內地來港、獨居、信主不久的工友改寫／演繹的）
佢地真係冇個好人，話我響上面落嚟嘅，唔係笑我講嘢音唔正，就係塞哂啲工夫畀我做，做到我索哂氣，好彩我信咗耶穌，心幾嬲，幾唔順，都唔同佢地擘面，知道咁係唔神心。我份人最睇唔過眼嘅係果啲當你冇到嘅人，佢地我一見到就想調頭走。
係咪好正呢！我都好希望自己可以讀經讀得咁通透，然後用另一個表達方法，將佢嘅神髓演繹出來！
|
人生交叉點
今日有位好耐無聯絡o既小學同學打電話俾我，佢唔係話俾我聽就o黎結婚要請我飮，而係佢正面對梗一d抉擇，想問我攞d意見！
我好開心當佢有疑難o既時候會想起我，讓我有機會俾d意見佢作參考，哩個亦反應佢對我o既信任！
更開心o既係：當我幫佢分析完一輪後，我鼓起勇氣提議佢，無論甚麼時候，佢都可以自己向主耶穌祈禱(佢未係基督徒)，求上帝俾d guidance佢，使佢知道點様行。佢話會嘗試。我再話我都會為你祈禱，跟住佢竟然話：「哩個都係我打電話俾你其中一個原因！」我好感動呀！因為當我哩個friend有需要o既時候，佢想起我！不單因為佢對我o既信任，更重要o既係佢記得我係一個基督徒，而且會為佢祈禱！
主耶穌呀，多謝你俾哩個機會我去幫助人。祢又提醒我，我有君尊o既祭司職份，可為人代求！願你o既名被稱頌，因為祢係配得上！求祢讓我哩位朋友藉哩個機會去經歷祢，讓佢知道祢係真o既！阿們！
|
閉關
過去果個禮拜，開始要上堂，有好多功課、資料要做/讀。再加上本身在家庭、教會&工作等o既workload，已經唔少。正如上次所講，生活充塞而不充實！
每日放工返到屋企，就好有紀律咁返房閉關，拼命讀、拼命做，「大唐X龍傳」、「金XY孽」等都冇睇law，彷彿每一分每一秒都唔想浪費！有時一做就做到1、2點…係就係幾有幹勁，完成功課後又真係幾有成功感…不過真係幾攰，宜家返工我又開始番飮咖啡tim！同埋生活好似有d失衡，有次我老婆大人同我講：「你冷落我要到幾時呢？」真係令我有點不是味兒！
其實，我心裡面不斷咁問自己：「究竟讀得咁趕係為咗咩？」
我回答：「想盡早讀完佢，然後開展另一個課程；而且預計未來數年，應該較得閒是宜家；再者，我宜家份工仲容許我夜間進修，但他日我份contract完咗，新工仲可唔可以係咁？…」(一大堆理由，你知啦，我係好講道理o架ma！)
我心裡面再問自己：「你究竟讀神學，係為咗得到個學歷同資格，定係想生命得造就？至於你所擔心o既前路，唔通你信唔過上帝會為你預備妥當？」
我無答佢…
之後我同神祈禱，我想知神希望我o既讀書安排係點？我又向神求一點引證，以致我清晰上帝對我o既帶領，同埋可以平安作決定！
經禱告&引證後，我決定drop一科(即每星期只係讀一科)，希望可以有多一點時間去思想所學o既，同埋將所學o既融入係生活當中。仲有就係生活可以過得平衡一點！
求主耶穌繼續指引，使我所行所想，都不偏離祢o既帶領！
|
搬家
今日係立法會選舉o既大日子，又係小弟搬屋o既時候。
(西門子，你o地咁快有新屋住啦？)
梗係唔咪？我o地新屋個到，入伙遙遙無期！？住梗個到，又租約期滿！
感謝主耶穌，佢係我o地最需要o既時候，差咗個小天使來幫忙，佢借咗個地方俾我o地暫住(中轉屋)。Thanks!!
講返今日~經我老婆大人點算，我o地有40多箱/袋物資+雪櫃+洗衣機(最重係哩兩件！)其實要搬就真係唔算多，不過最大挑戰就係要搬三層樓梯(1落2上，中轉屋係無lift)！！
感謝主耶穌again！有好多愛錫我o地o既親戚同弟兄走o黎幫手(我阿爸媽、老婆阿媽哥妹、傳文、龍少同志康)，多謝晒你地！有你o地幫手，好快就搬好啦！真係sorry，原本想請大家食晚飯，以酬各位o既辛勞，點知大家o既速度實在太快，5點已經收工，結果淨係請咗大家食tea！不過唔緊要，下次補返！
不過後來有件事，嚇我一跳：我老婆話返我知，原來係搬遷o既過程，我阿爸可能太落力，曾經有段時間要透大氣，又好似暈倒咁…阿爸，你要保重身體，我知你錫我，想出多一分力，但係你知嗎？如果你有咩損傷，我會好心痛！
|
朗誦o既多元化
今晩第一晩上堂，抱著戰戰兢兢o既心情，因為唔知d上課形式、同學、老師等…係點樣？
嘩！每個星期有一項功課，課餘又要用at least 4 hour 去讀書做功課！壓力都唔少！(如果我每個星期只係上一科，咁都應該應付得好好；but我每個星期係上兩科呢！！)
我開頭以為好似lecture咁嚴肅沉悶地上課，不過估唔到都幾活動教學喎！
其中一個活動就係分組朗誦兩節詩篇o既經文！俾15分鐘我o地預備！(嘩！得o個兩節咁少…？！)我o地果組就想咗d花巧野…背咗佢…做動作…抑揚頓挫…！其他組呢？都幾特別喎：有獨誦接著小組誦；最令我印象深刻o既，係「回音谷」式o既朗誦法，佢o地將重要o既詞語，一個人接一個人咁重覆！勁！
原來…朗誦聖經…可以咁多o野玩！
|
兩文三語
今晚參加咗個開學禮，為我前面讀part-time o既路展開序幕！
Oh！我估要找阿KK幫我練oral & listening，找Fancy幫我補普通話！事關整個開學禮，兩文三語都用齊：
用普通話作開學禮o既主席，讀經以普通話宣讀，以廣東話領禱，之後又用重美國口音o既英語宣講信息，唱o既詩歌則是中英對照！！
語言哩家野真係要常常練習、常常用，先可有進步o既希望！要努力d啦！
|
忙碌？忙亂？
之前提過自己好忙碌？不斷不斷係到做；返工要做，放工又要做；星期一做到星期日(有時心想，牧師、傳道人都可以一星期有一天休息，那自己呢？…)！開完一個會，又開另一個！(最近發覺差不多每個星期日都有會開，有時仲打双上！)
個schedule咁full，生活係咪好充實呢？梗係唔咪！係充塞！唔係充實！有時做得多，並不一定效果好！真係吃力不討好！
讓我想起自己係咪好似聖經裏面o既馬大咁？不斷不斷係到做，卻忘記親近主耶穌係更重要呢！
他們走路的時候，耶穌進了一個村莊。有一個女人，名叫馬大，接他到自己家裡。他有一個妹子，名叫馬利亞，在耶穌腳前坐著聽他的道。馬大伺候的事多，心裡忙亂，就進前來，說：主阿，我的妹子留下我一個人伺候，你不在意嗎﹖請吩咐他來幫助我。
耶穌回答說：馬大！馬大！你為許多的事思慮煩擾，但是不可少的只有一件；馬利亞已經選擇那上好的福分，是不能奪去的。 (路加福音10:38-42)
我估我需要作一d調整！我相信耶穌來了，是要叫人得生命，並且得的更豐盛，但唔係得的更忙亂！
|
一週年
今日開團契本年度最後一個職員會，有新組長(e.g. KK, Takyu, Katie) sit會。Mr. Sou 又分享來年團契方向、大計…feedback 有支持、有反對。幾好呀！d新舊組長都有發表佢地o既睇法！肯去思考！good ar！o黎緊團契有新景象、新方向！真期待！
轉眼間，原來我已經係團契做咗一年導師，上年我就係尾會到宣佈加入導師o既團隊！哩一年裏都經歷過開心唔開心(總體上是開心多過唔開心)！又見證過小組人數o既起落(由個人栽培到最近有14, 15人)！我亦覺得自己已成為團契其中一員，都多得團友o既接納同導師們o既幫助！係佢o地身上有好多學習！繼續努力吧，各位！
|
勁忙碌！
D同學仔開咗學後就勁忙碌啦！估唔到我都係喎！踏入九月，我老細就好似D班主任咁，不斷俾D功課我做，好似擔心我唔夠o野做咁！成份「功課list」水蛇春咁長！死未！？
不過，回想番，其實哩個都係我同老婆最近o既祈禱！事緣，前排我o地發覺我o地o既工作態度有d散漫！我o地都唔想繼續係咁，所以就向神祈禱，求祂加力俾我o地，使我o地可以跳出「散漫」o既狀態！哈哈！上帝聽禱告！唔單只我，我老婆都係！佢都突然多咗好多o野做，佢o黎緊星期六仲要開OT(佢平時唔洗返星期六！)
今日上帝都俾咗d安慰我！佢話：
「你們要把一切的憂慮卸給上帝，因為祂顧念你們！」(彼得前書5:7)
加油啦，各位！我都要專心d，唔好辜負上帝俾我鍛鍊o既機會！
|
What makes OUR Life 100%
Interesting for sharing! For fun!
--------------------------------------------------------------------------------------------------------------
What makes OUR Life 100%
Life A to Z
If A B C D E F G H I J K L M N O P Q R S T U V W X Y Z
Is equal to
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26
Then what make your life 100% perfect?
What give you 100%results/returns??
Hardwork = H+A+R+D+W+O+R+K = 8+1+18+4+23+15+18+11 = 98% only (not 100%??)
Knowledge = K+N+O+W+L+E+D+G+E = 11+14+15+23+12+5+4+7+5 = 96% only (not 100%??)
Love = L+O+V+E = 12+15+22+5 = 54% (wake up, don't dream)
Luck = L+U+C+K = 12+21+3+11 = 47% (that's why you got to work hard!!)
Then what else makes your life 100%?
Is it Money $$? ... No!!!!!
Leadership? ...... NO!!!!
Every problem has a solution, Nothing is impossible.
Perhaps we should change our attitude.
You might read "impossible" as "i-m-possible"!!!
What we truly need to go further ... a bit more ... to the top, to that 100%.
All of us need a positive and proactive ATTITUDE. Why??
Attitude = A+T+T+I+T+U+D+E = 1+20+20+9+20+21+4+5 = 100%
It is OUR ATTITUDE towards life and work...... that makes OUR Life 100%.
----------------------------------------------------------------------------------------------------------------
Regarding, Love as mentioned about, I have some modifications:
Love = L+O+V+E = 12+15+22+5 = 54%
However, how about God's Love??
G+O+D+'+S+L+O+V+E = 7+15+4+1+19+12+15+22+5=100%
haha!! Cheers up!!
|
