從幕後走到幕前
從來係朋友婚禮中，我多數扮演幕後角色(當然更多時是做觀眾)，有時做下場務，有時做下統籌。可能朋友們都認為我都尚算可靠，做事有交代。然而無論做甚麼角色都好，朋友們都甚少找我做幕前，可能怕我說話口吃，講野咦咦哦哦，詞不達意，將原本一小時的婚禮，攪到兩三個小時才完結…老實說，連我自己都無信心能夠勝任！
誰不知我有個大學同學，不知死活，竟然找我做婚禮主禮！
記得綵排時，我講說話已經口窒窒，仲要我又中又英…表現強差人意！
幸好天父差遣一些天使給我，特別係事前讓我出席另一個婚禮，見到婚禮主席如何帶起整個婚禮的氣氛，如何說話得適有禮，但又不至於呆板…更重要的是，他願意借他的講稿讓我參考呢！！
Practice makes Perfect!!! 婚禮後，有個朋友還對我說，我的表現與綵排時相比，簡直判若兩人呢！
就係咁我將我的第一次獻了給我的同學！
其實做幕前都幾好玩，唔知仲有冇不知死活的人呢？
posted by 西門子 @ Monday, October 02, 2006
<< Home