誰是我的師傅？
今日完咗崇拜，同老婆去咗黄金海岸拍拖仔。我哋散下步、食下嘢、睇下嘢，最後我哋坐係沙灘到傾下偈。
今日天氣唔錯，第一，唔熱；第二，有風，因此好舒服！
講開，我哋發覺最近多咗人搵我哋傾偈。好開心我哋可以係佢哋所經歷o既事上，同佢哋一齊行，又俾一d我哋o既意見。希望可以幫到佢哋啦！唔知哩d係咪神俾我哋兩公婆，一d共同事奉o既機會呢？
不過，講講下，都發覺自己無論係生命上、經驗上、技巧上都仲有好多嘢需要改善。我諗我都要搵人偈下先得！咁我可以搵邊個呢？
posted by 西門子 @ Sunday, June 19, 2005
<< Home