西門町 in Bloggerland

今日同個同事食午飯時，提起我個細細細妹今年會參加奧運(佢係玩劍擊)，大家都覺得好難得！
難得-在於年紀輕輕(佢宜家讀緊大專)，可以培養到一項達到世界級水平o既運動/興趣。
我o地都有d慨嘆…
慨嘆-在於當我o地還年紀輕輕時，冇好好善用時間同專心一致，去培養一d運動同興趣，以致宜家仲好似有d一事無成o既感覺！唔通到宜家已一把年紀，骨頭到硬，先學人去培養運動細胞，然後去參加奧運咩！？
不過，各有前因漠羨人…且亡羊補牢未為晚也…(仲有咩書包可以pow)有咩事情、運動、興趣…可以做、可以培養，以致二、三十年後唔會後悔，反而覺得不枉此生？想呀…想呀…想呀…想呀…想呀…想呀…想呀…想呀…想呀…想呀…突然個同事提返我，「信耶穌」都算係唔會後悔o既決定(不過佢未信！？)。有係喎！「信耶穌」的確係一件唔會令我後悔o既事情喎！不過仲未夠，「信耶穌」其實只係一個開始，就好似BB出世也只不過係開始一樣，仍然須要努力成長，將生命中一d缺點，慢慢改善，並發展一d屬基督o既氣質(e.g.聖靈所結o既果子)。正如 主耶穌話：「你們要完全，像你們的天父完全一樣。」(馬太福音5:48)西門子，你要努力呀！我幾時都撐你！

其實唔只信耶穌o既，仲有好多o野可以做o既，不過就視乎個樣o野有咩價值(短暫呀？長久呀？好呀？壞呀？…)嘩突然間好多o野lum！ 同埋覺得自己好哲學咁…