中期業績報告
哩排俾咗自己好多功課做，有禁「肉」操、又有雙週行動。上個星期六團契時，又同兩個小弟兄立志要每日定時定點禱告同埋讀兩章聖經，試行一週，希望佢哋會喜歡啦！
講返自己各項操練，有d去到尾聲，有d去到中間，就係到review下各project o既progress 啦！
禁「肉」操
禁食紅肉(即豬、牛、羊)，為期一個月。本應係今日期滿出「肉」，但係之前有意冇意間犯下「清」規，所以要加「監」多幾日！
問娘子，我有冇瘦到？佢話我個方臉好似無之前咁脹！我信佢o架！雖然自己身體冇顯著o既改善，不過我估我都會繼續實行(食返餐勁之後！)
雙週行動
每日上網次數限制在3次內—叫做暫時成功控制，不過有時都會手癢癢，又有時唔咪好停到手；每星期做3次運動—oh！上星期只係做到一次咁大把！同埋只係跑到十數分鐘(因天雨關係)；一星期內讀完使徒行傳—no problem 啦；and兩星期內具體地稱讚老婆5次—上星期讚咗兩次！Wow！之後老婆馴過小貓(講笑咋！我就想啦！不過感覺都唔錯！)General speaking,有d就ok，有d就仲要改善！借用孫中山先生一句話：
「革命尚未成功，同志仍須努力！」
鑽孔
今日為我心愛o既靚靚魚缸，進行咗d小型金工工程。
其實所謂工程，只不過係係條鋁質角鐵到鑽孔，再用鏍絲將幾條角鐵連接住，搭個小鋁架！
不過，講就容易，但係對於一雙平時只慣喳筆同打電腦o既手，喳住個電鑽，就好似一個未曾燒過槍o既人，要去燒槍一樣！
我準確地係鋁條到畫好將要鑽孔o既位置，然後小心翼翼地喳住電鑽，對準位置，發動…
aiya!唔知係電鑽馬力太大？係喳電鑽o既手唔定？定係條鋁條太硬？總係一鑽o既時候就走咗位！
後來經過多次嘗試，發覺要鑽準位置，就要用力將鑽咀壓在預定位置上，然後開鑽，這樣，偏差o既機會就大大減少！
其實做事同鑽孔都有類似o既地方。好多時自己plan咗d 計劃 (預定位置)，當準備去實行(鑽孔)時，若遇到困難(鋁條太硬)，或者自己唔夠堅持/堅定(喳電鑽o既手唔定)，就好容易偏離咗先前 計劃所預定o既目標(走咗位)，有時甚至胎死腹中(鑽唔穿)！我相信，要計劃得到完成，必須有排除萬難同堅定不移o既決心，那怕有多大o既困難擺係面前，亦可一一被克服！ 多年前有部電影，劉華有段經典對白：「有信心(決心)未必一定贏，但冇信心(決心)就一定輸！」
「弟兄們，我不是以為自己已經得著了；我只有一件事，就是忘記背後，努力面前的，向著標竿直跑，要得神在基督耶穌裡從上面召我來得的獎賞。」腓立比書三章13-14
作門徒的代價
今晚係哩個 sem. 神學課程o既 last 一堂，之前果幾日，仲要繼續衝(嘔)兩份功課，就係人都癲！終於係 last minute 趕完，舒服晒！講返 last 一堂。今晚冇授課，只有敬拜、信息分享、回應、感恩、呼召、差遣&祝福，簡單d講，係一個崇拜，一個係星期二晚o既崇拜！牧師係信息分享作門徒要付o既代價(路14:25-35)1. 尊主為大(v.26)
If He is not LORD IN ALL, then He is not LORD AT ALL!
2. 為祂受苦(v.27)
當耶穌呼召一個人跟隨祂時，是要他願意為祂死！(潘霍華)
3. 棄絕所有(v.33)
為主而放棄一些纏累我們的東西！
(v.34) 鹽本是好的；鹽若失了味，可用什麼叫他再鹹呢﹖
當門徒放棄付上作門徒的代價時，也許他仍能「像」一個門徒般，照樣返教會敬拜，照樣返教會事奉，不過係佢身上再發現唔到基督o既香氣同生命力！
「用那不能持守的，去換取那不能朽壞的，豈是愚昧呢？」
我哋之後以「薪火永傳」作為回應：
- 忘世塵我已跟主走上在窄路，眾信徒常互勉並肩同步，堅守方向志高，憑信念不怕跌倒，同證父神完美創造，全宇宙恩滿鋪，看信徒毋懼逼迫忠信歷世代，盼我們也可奔走天路，越過得失福氣困災，能發現父神期待，承繼信念，延往萬年，同唱頌讚奏凱。
- 我們有一天都要永別世上， 而後世仍靠主恩學他模樣，上帝國度繼續擴張，人人恩光得到永享，同發現父神救贖， 完美妙法憲章。
副歌：願當基督精兵常行在窄路，喚發接棒信眾繼續同步，從而薪火永傳，心志總不老，成為真實門徒知順服神好，
令每一世代同心將福音宣佈。
（第2節副歌後唱）令每一世代同心讚頌神恩高，鴻恩滔滔。
我分享兩樣課程給我的得著：
- 讓我結識兩位非常愛主o既弟兄，雖然課堂給予我哋o既守望小組時間已經完結，但係我哋仍會繼續自發地開組！
- 這個課程讓我拆毀咗一個壞習慣—沉迷到機鋪打機；另外又讓我建立咗一個好習慣—每日讀經(我宜家每星期平均讀完一卷廿幾卅十章o既聖經經卷)！
