西門町 in Bloggerland: October 2004

危險！速逃！

靈修：太二13-18
東方博士走咗後，神的使者在夢中向約瑟通風報信，約瑟o既反應係：「約瑟就起來，夜間帶著小孩子和他母親往埃及去，」
真係好似「走火警」咁！係千鈞一髮o既時候逃生！

希律的擔心

靈修：太二1-12
這段經文主要講述東方博士朝拜耶穌，但當中有個人，或許因擔心自己地位不保，而做一d「小動作」！

當耶穌出生時，希律作當時猶太地的分封王。有一日，突然有幾個從東方來的博士(可能係占星學者！)到訪，不過唔係搵佢，而係搵猶太人的王—基督！聖經話：「希律王聽見了，就心裡不安！」

表面上希律都好熱衷搵基督：召集各「專家」，並向佢哋查詢；又叫果班博士「尋到了，就來報信，我也好去拜他。」在人眼中，佢也許係「忠」o既！但係神眼中，佢真正o既intention，實在太明顯！

想起一句說話：「長江後浪推前浪」，當有一日，我知道將會有人取代我的時候，我又會如何反應呢？我仲未諗到，不過想起施洗約翰有句名言：「他(耶穌基督)必興旺，我必衰微。」約3:30，希望我都有咁o既胸襟啦！

約瑟是個義人

靈修：太一18-25

當讀這段關於耶穌出生的背景時，我嘗試從約瑟的角度看：
未婚妻無la la 大咗肚，個bb仲唔知屬於邊個？如果我係約瑟，我一定好激動，隨時做出d傻事(段估我唔會殺咗對方，不過嬲去一世，就在所難免！)！
不過，我所見的約瑟，好安靜，無做一d激進o既事，經文只是說：「不願意明明的羞辱她…」

另外，當佢思想如何處理時，神的使者對佢解釋原因，同埋當行的事。約瑟聽完後，就毫無懷疑咁照做！反省自己，一方面口稱要尋求神的指示，但另一方面，當聖靈在心裡對我微聲地說話時，我就諸多懷疑，唔洗講最後當然做都無做tim！

求主原諒我口不對心，求聖靈不要停止對我說話！又讓約瑟的「聽道+行道」成為我學習的榜樣！

耶穌基督的家譜

宜家返工o既時間長咗，同埋係site office 一早無人，所以可以安安靜靜咁靈修。我將會由馬太福音開始，一段一段咁讀，求主保守，讓我可以持續落去！

靈修：太一1-17 耶穌基督的家譜
當閱讀及默想耶穌基督的家譜時，讓我再次重溫一些聖經故事，如亞伯拉罕獻以撒、雅各爭長子的名份、大衞王行姦淫等…
不過，聖靈提醒我，寫在這家譜中的每一個名字，都是很特別的，一方面表達了他們對神的心，但更重要的是神對自己應許的「執著」，神所說的話，每一句都是「是」的，永無失手！
聖靈更提醒我，那我的家譜又如何？我的子孫兒女，會否都在上帝的生命冊中「榜上有名」？那便要看我會否不偏左、不偏右地、一生一世地追隨神？求主保守！

首日地盤生活

第一日落地盤做RE (Resident Engineer)，so far OK la！
個位都幾舒服，d同事都幫我安定下來！
地盤宜家唔算好多嘢做，所以我都可以慢慢適應！
不過，一入RE Office，都未坐定，個牛同事(COW - Clerk of Works, 係一個title)就捉咗我開會，要我下決定！嘩！我心諗：「你都俾我了解下先呀！」我咪不斷係到祈禱囉！
原來d同事都ok準時放工，宜家剩下我一個係RE Office！
其實，主耶穌都好錫我，俾咗好多平安我！我相信佢會睇住我！
都繼續為與同事相處和彼此信任祈禱！仲有係我仲未好知自己應該點做先好！
求主幫助！

btw, contractor跟義借電腦俾我用，更感人o既係—有無線上網可以用！！

長駐地盤

o黎緊要長駐地盤，心裏有d緊張，因為怕唔適應；又因為係前線工作，需要有合宜同即時o既反應，而哩個係我比較弱o既一環！希望可以好快適應，求主俾我有足夠o既智慧同平安！

仲有係有一段時間無得上網，因為係地盤同中轉屋都無得上！所以可能要耐一點先可以寫日記lu！

生命為何？

我同老婆昨晚去了一個姊妹嘅媽媽嘅喪禮，聽到姊妹講述佢媽媽臨終前嘅一d事情，不禁問自己，人生來去速速幾十載，究竟點先算真正活過？又想起自己父母，年紀也不輕，但佢哋又未認識主耶穌，點算？

最近得知一個年青人(剛剛升上中六嘅好學生！)，腦部發現咗一個瘤，宜家抽咗d組織出咗驗，要過兩日先有報告！早一個星期，我哋仲一齊返團契，點知下一刻就收到哩個消息！

前排又得知一個姊妹佢要做心臟手術，佢天生心臟係有事，宜家要等換心！

好多好多事係身邊發生，只可以講話「生命從神掌管」，有誰可以話佢自己可以控制一切？在感謝神賜予我平安之外，我亦問神：「祢讓我存活在世，祢想我點做？」

生命為何？
生命為何，為何終結？
我的生命，如像那輕煙轉眼瞬間問為何。
為何失去？嘆息生命，如同茫茫路！
生，誰明白真正要為何事！
死，誰明白真正會是何樣？
我心力竭，我心疲乏，但沒法平靜，在轉圈，不斷。
生命屬神，由神所賜，
你的生命，全是我主所寶貴愛惜每段路途，
蒙神看顧，我主深願，同行悠悠路到永遠。

恩公

最近搬到「中轉屋」後，生活的確簡樸咗，沒有上網(正確d講：係無得上網)，電視都睇少咗！相對就多咗睇書，同老婆大人相處！

更高興嘅，就係有兩個學生哥(takyu & teddy)約我夜晚去跑步，我之前唔鍾意跑步，因為覺得一個人跑好悶！不過，宜家有伴就唔同！(我老婆直頭當佢哋係恩公！)

做完運動後，就輪到聯誼、交通嘅時候，有時會打下機(宜家佢哋話唔打住，怕影響佢哋攞A大計！)，有時會傾下心事、祈下禱…

多謝天父！俾我有做運動嘅時間，因為實在好耐無運動！仲有就係俾機會我同班年青人打成一片，知多咗佢哋嘅世界！

其實，祢先係我恩公！

心胸狹窄

今朝返工搭地鐵時十分擠迫，離開車廂時，與旁人有些衝撞，雖無口角，又無動武，但仍心心不憤！

上到地面，在行去搭小巴嘅途中，我心裡不禁問：「我最近為何心胸狹窄咗？小小事，都可以引起我嘅情緒！」

諗下諗下，唔知係唔係同我將會調落地盤工作有關。事緣上個星期，我老細話有人事安排，需要我全時間落地盤工作，而我手上的工作，則由另一位同事take up。初時我覺得沒甚麼大不了，反正就是工作。但不知是否我用理性壓抑著自己的感性，我的情緒慢慢浮現：要離開一個熟悉的工作環境、對未知環境和對新工作要求所產生的不安…

求主教我點行，又教我點面對自己嘅情緒！

Be strong in the LORD and in His mighty power!! (Eph 6:10)

主耶穌係我嘅大老闆

最近我d工作壓力都幾大，所以有感而發咁改改<詩篇23>，當為對主耶穌嘅肯定！

主耶穌係我嘅大老闆！
我仲有咩嘢求呢？
佢按時出糧俾我，
有時仲有Bonus tim！
佢時時提醒我，叫我打醒十二分精神，
佢好Smart！所以我跟佢做嘅，都唔會有錯！

我雖然俾人cup咗「黑豬」，
都唔怕俾人「炒魷魚」！
因為有你「照住」！
你嘅instruction manual，同你嘅guidance notes，都使我個心定d！

果d又大又難嘅工作清單，你為我逐一擺平！
有你為我推薦，其他人一定掙住請我！
我知道你以後一定會繼續不斷咁幫我，同「醒」我好多jet so！
而我都會繼續係你間公司到做，直到你話炒我為止！(不過，我知你唔會咁做！)

中轉房屋 (Interim Housing)

哩幾日雖然放假，但並不表示我好得閒，原因是我需要搬屋！
但有唔係搬新屋喎！因為我之前租住梗嘅地方約滿，新屋入伙又遙遙無期？！
不過，幸得「貴人」相助(唔好誤會我信咗d咩，「貴人」乃天父所差遣之小天使也！)

初初搬入去嘅時候都幾驚㗎！因為成屋都係我哋d雜物，剩下一條「走廊仔」由門口通到睡房，後來整下整下又整咗個廳仔出嚟，再整下整下又整咗間屋仔出嚟！

要多謝主耶穌呀：

有個好太太，個廳仔同間屋仔，主要係佢整出嚟！辛苦晒！
有個好心嘅「貴人」小天使弟兄，肯借間屋俾我哋暫住！
有班愛鍚我哋嘅親友同教會弟兄瞓身搬屋！
間屋靜中帶旺，無論買嘢去邊，都咁方便！
間屋無得上網，咁就可以更專心讀書！仲可以多d時間親近神又親近老婆！
……

西門町 in Bloggerland

Friday, October 29, 2004

危險！速逃！

Thursday, October 28, 2004

希律的擔心

Wednesday, October 27, 2004

約瑟是個義人

Tuesday, October 26, 2004

耶穌基督的家譜

Monday, October 25, 2004

首日地盤生活

Thursday, October 21, 2004

長駐地盤

Friday, October 15, 2004

生命為何？

Thursday, October 14, 2004

恩公

Wednesday, October 13, 2004

心胸狹窄

Tuesday, October 05, 2004

主耶穌係我嘅大老闆

Friday, October 01, 2004

中轉房屋 (Interim Housing)

Link

Previous Posts

Archives